Мероприятия

Құрметті "Тарбағатай жалпы орта білім беретін  мектеп "КММ-нің түлектері,қожалық басшылар мен кәсіпкерлер! 

2024 жылғы 1 тамыз бен 30 қыркүйек аралығында аз қамтылған және көп балалы отбасы балаларын, жетім және ата-анасының қамқорлығынсыз қалған балаларды қолдауға бағытталған «Мектепке жол» республикалық акциясы өтеді. Бұл акция әрбір баланы қажетті оқу құралдарымен және оқуға жағдай жасаумен қамтамасыз етуге көмектеседі.

" Білім – болашақтың кепілі".Сіздің көмегіңіз көптеген балалар үшін сол болашаққа маңызды қадам болуы мүмкін. Өткен жылдары Сіздердің қолдауларыңыз балаларға оқу жылын сеніммен бастауға көмектесті. Биылғы жылы осы маңызды бастамаға өз үлесіңізді қосуға мүмкіндік табасыз деп ойлаймыз.

Акцияға қосылу арқылы Сіз балаларға ғана емес, бүкіл қоғамға көмектесесіз, өйткені білімді балалар – біздің болашағымыз. 

Сіздердің әрқайсыңыз ең қолайлы формада көмек көрсете аласыз: қаржылық қолдау, оқу құралдарын беру немесе басқа көмек. Осы акцияға ауылдың  барлық мүдделі тұрғындары мен кәсіпкерлерін қатысуға шақырамын. 

  Сіздің қатысуыңыз бен қолдауыңыз көптеген балалардың өмірін өзгерте алады. Біз бірге олардың мектепке бару жолын оңайырақ әрі қуанышты ете аламыз!